السلام عليكم ورحمةالله بدون سخرية جاوبني "يا ترى مصر بتمثل لك إيه"؟؟؟؟؟؟
مصر بتمثل لي حاجات كتيرة رغم الآلام اللي بنعيشها بس
أحب أشوف الناس الغلابة وهي رايحة أشغالها في الفجر
ماسك في ايد رغيفين وشوية طعمية يفطر بيهم "طبعا قبل ما تختفي"
وفي الايد التانية راديو صغير مشغل القرآن
أحب أشوف النيل "قبل ما يطمسوه" والمراكب رايحة وجاية
أحب أشوف ضحكة العواجيز لما تيجي تضحك معاهم واللي
تعب السنين مقدرش يحرمهم منها
يمكن كتير هيقول بطل كلام فارغ انت مش شايف اللي بيحصل
بس حبيت أقولها
"بحبك يا مصر"
